ई-चावडी नागरिक पोर्टल हे महाराष्ट्र शासनाच्या महसूल विभागाने सुरू केलेले एक पोर्टल आहे जे ग्रामपंचायतींमध्ये होणाऱ्या महसूल आणि मालमत्तेसंबंधी व्यवहारांना पारदर्शक आणि सुलभ बनवण्यासाठी तयार करण्यात आले आहे. नागरिकांना ऑनलाईन जमीन महसूल भरता यावे यासाठी राज्य शासनाने ई-चावडी नागरीक पोर्टल ची सुरुवात केली आहे.
ई-चावडी पोर्टलचे मुख्य उद्दिष्ट:
- महसूल व्यवस्थापनात पारदर्शकता निर्माण करणे
- अनधिकृत बदल, गैरव्यवहार आणि भ्रष्टाचार रोखणे.
- महसूल आणि मालमत्तेसंबंधी माहिती घरबसल्या ऑनलाइन पाहण्याची सुविधा
- नागरिकांना कार्यालयात न जाता सहज जमिनीच्या नोंदी आणि इतर संबंधित कागदपत्रे मिळवण्याची सुविधा उपलब्ध करणे.
- महसूल आणि मालमत्ता कर संकलन प्रक्रियेला वेग देणे.
- गाव पातळीवरील महसूल व्यवस्थापन डिजिटल आणि सुटसुटीत करणे
- नागरिकांना महसूल कार्यालय किंवा ग्रामपंचायत कार्यालयात वारंवार फेऱ्या मारण्याची गरज भासू नये.
- महसूल, मालमत्ता कर आणि इतर आर्थिक व्यवहार ऑनलाईन प्रक्रियेद्वारे सुलभ करणे.
ई-चावडी नागरीक पोर्टल वरून जमीन महसूल भरण्याची पद्धत:
- नागरिकांना सर्वात प्रथम ई-चावडी नागरीक पोर्टल वर जावे लागेल.
- होम पेज वर गेल्यावर तुम्हाला तुमच्या विभागाची निवड करावी लागेल.
- तसेच तुम्हाला तुमच्या जिल्ह्याची निवड करायची आहे.
- तुम्हाला तुमच्या तालुक्याची निवड करायची आहे.
- आता तुम्हाला तुमच्या गावाची निवड करायची आहे
- तुम्हाला तुमचा खाता क्रमांक किंवा खातेदाराची नाव टाकायचे आहे आणि शोधा बटनावर क्लिक करायचे आहे.
- आता तुमच्यासमोर महसूल मागणी नमुना ओपन होईल.
ई-चावडी पोर्टलमुळे मिळणारे फायदे:
- महसूल नोंदी अधिक पारदर्शक आणि अचूक होतील.
- ऑनलाईन सेवा उपलब्ध असल्याने वेळ आणि खर्च वाचेल.
- नागरिकांना महसूल आणि जमिनीशी संबंधित व्यवहार करणे अधिक सोयीस्कर होईल.
RTS Act