ई-हक्क प्रणाली | E-Hakka Pranali (pdeigr maharashtra)

सदर पोर्टल महाराष्ट्र शासनाच्या नोंदणी व मुद्रांक विभागाची अधिकृत वेबसाइट आहे जी नागरिकांना त्यांच्या मालमत्तेच्या दस्तऐवजांची नोंदणी करण्यासाठी सार्वजनिक डेटा एन्ट्री (Public Data Entry - PDE) सुविधा प्रदान करते. या पोर्टलद्वारे, वापरकर्ते नोंदणीसाठी आवश्यक दस्तऐवजांची माहिती ऑनलाइन भरू शकतात. यामुळे नोंदणी प्रक्रियेची पूर्वतयारी सुलभ होते आणि उपनिबंधक कार्यालयात लागणारा वेळ कमी होतो. तसेच या वेबसाइटद्वारे नागरिक ७/१२ उताऱ्यांवरील फेरफारांसाठी ऑनलाइन अर्ज सादर करू शकतात ज्यामध्ये वारस नोंद, बोजा दाखल/कमी करणे, इकरार नोंदी, मयताचे नाव कमी करणे, अज्ञान पालक कर्ता (अ.पा.क.) शेरा कमी करणे, एकत्र कुटुंब व्यवस्थापक (ए.कु.मॅ.) नोंद कमी करणे, विश्वस्तांचे नाव बदलणे, आणि संगणीकृत ७/१२ मधील चुका दुरुस्ती यांचा समावेश आहे. या सुविधेमुळे नागरिकांना तलाठी कार्यालयात न जाता घरबसल्या अर्ज सादर करण्याची सोय उपलब्ध होते ज्यामुळे वेळ आणि श्रमाची बचत होते.

संगणकीकृत दस्त नोंदणी पद्धतीमध्ये दस्तविषयक माहिती जसे की, मिळकत, दस्तातील पक्षकार, मुद्रांक शुल्क, नोंदणी फी, ओळखदार इत्यादी विषयांची माहिती संगणकात भरावी लागते. ही माहिती पक्षकाराला स्वतःला कोणत्याही वेळी कोणत्याही ठिकाणाहून भरता यावी, यासाठी विभागाच्या संकेतस्थळावर जी सुविधा उपलब्ध आहे त्याला पब्लिक डाटा एन्ट्री (PDE) म्हणून संबोधले जाते.

तुम्ही या पोर्टल च्या माध्यमातून विविध सुविधांचा ऑनलाईन लाभ मिळवू शकता त्यासाठी तुम्हाला स्वतःची नोंदणी करणे आवश्यक आहे.

नवीन नोंदणी (New Registration) करण्याची पद्धत:

होम पेज वर गेल्यावर New User Account या बटनावर क्लिक करायचे आहे.

आता तुमच्यासमोर एक नवीन पेज ओपन होईल त्यामध्ये तुम्हाला विचारलेली माहिती भरायची आहे आणि Save बटनावर क्लिक करायचे आहे.

अशा प्रकारे तुमची नोंदणी प्रक्रिया पूर्ण होईल.
तुमची नोंदणी प्रक्रिया पूर्ण झाल्यावर तुम्हाला पुन्हा होम पेज वर यायचे आहे आणि तुमचा User Name / Password / Captcha Code टाकून Login बटनावर क्लिक करून लॉगिन करायचे आहे.